KHair se dil ne kisi taur bahal jaana hai

ḳhair se dil ne kisī taur bahal jaanā hai

par mirī jaan tujhe yaañ se nikal jaanā hai

auj par hai abhī jaltā huā sūraj chhū lo

baḳht Dhal jaane kī shai hai ise Dhal jaanā hai

havas-e-fīl-numā ka.aba-e-dil Dhā.egī kyā

ishq abābīl ne māhaul badal jaanā hai

ham vo bīmār jo iisā ko bhī māyūs kareñ

ham ne kab aap ke dekhe se sañbhal jaanā hai

us ko ma.alūm hai kis aag kā īñdhan maiñ huuñ

us ne jab chaah liyā maiñ ne pighal jaanā hai

ai sulagtī huī ta.abīr mirī aañkh meñ aa

ḳhvāb ne Thaan liyā hai use jal jaanā hai

KHair se dil ne kisi taur bahal jaana hai

par meri jaan tujhe yan se nikal jaana hai

auj par hai abhi jalta hua suraj chhu lo

baKHt Dhal jaane ki shai hai ise Dhal jaana hai

hawas-e-fil-numa kaba-e-dil Dhaegi kya

ishq ababil ne mahaul badal jaana hai

hum wo bimar jo isa ko bhi mayus karen

hum ne kab aap ke dekhe se sanbhal jaana hai

us ko malum hai kis aag ka indhan main hun

us ne jab chah liya main ne pighal jaana hai

ai sulagti hui tabir meri aankh mein aa

KHwab ne Than liya hai use jal jaana hai