KHud apne aapko zanjir karta rahta hai

ḳhud apne aap ko zanjīr kartā rahtā hai

vo mere ḳhvāb kī ta.abīr kartā rahtā hai

ajab nahīñ ki use merī aarzū hī na ho

ki ab vo aane meñ tāḳhīr kartā rahtā hai

na.e makān kī vus.at na us ko raas i

vo ab bhī zehn meñ tasvīr kartā rahtā hai

qalam uThāne kī tahrīk bhī usī ne dī

aur ab vahī hai ki ta.azīr kartā rahtā hai

uyuub apne chhupāoge kis tarah 'bismil'

vo roz nāmcha tahrīr kartā rahtā hai

KHud apne aap ko zanjir karta rahta hai

wo mere KHwab ki tabir karta rahta hai

ajab nahin ki use meri aarzu hi na ho

ki ab wo aane mein taKHir karta rahta hai

nae makan ki wusat na us ko ras i

wo ab bhi zehn mein taswir karta rahta hai

qalam uThane ki tahrik bhi usi ne di

aur ab wahi hai ki tazir karta rahta hai

uyub apne chhupaoge kis tarah 'bismil'

wo roz namcha tahrir karta rahta hai