KHud ko dekhun ki main jahan dekhun

ḳhud ko dekhūñ ki maiñ jahāñ dekhūñ

ik nazar se kahāñ kahāñ dekhūñ

sar ko rakh kar zamīñ ke qadmoñ par

kab talak sū-e-asmāñ dekhūñ

ho ke bhī tū vahāñ nahīñ miltā

tujh ko jā kar jahāñ jahāñ dekhūñ

maiñ isī kashmakash meñ Duub gayā

paar utrūñ ki darmiyāñ dekhūñ

sang bhī haiñ shikasta shīshe bhī

jism dekhūñ ki apnī jaañ dekhūñ

e.atibār aur bhī ḳhudā pe baḌhe

jab bhī maiñ sūrat-e-butāñ dekhūñ

be-niyāz-e-bahār phir huuñ 'nihāl'

aarzū hai ki phir ḳhizāñ dekhūñ

KHud ko dekhun ki main jahan dekhun

ek nazar se kahan kahan dekhun

sar ko rakh kar zamin ke qadmon par

kab talak su-e-asman dekhun

ho ke bhi tu wahan nahin milta

tujh ko ja kar jahan jahan dekhun

main isi kashmakash mein Dub gaya

par utrun ki darmiyan dekhun

sang bhi hain shikasta shishe bhi

jism dekhun ki apni jaan dekhun

eatibar aur bhi KHuda pe baDhe

jab bhi main surat-e-butan dekhun

be-niyaz-e-bahaar phir hun 'nihaal'

aarzu hai ki phir KHizan dekhun