KHudi gum kar chuka hun ab KHushi-o-gham se kya matlab

ḳhudī gum kar chukā huuñ ab ḳhushī-o-ġham se kyā matlab

ta'alluq hosh se chhoḌā to ab 'ālam se kyā matlab

qanā’at jis ko hai vo rizq-e-mā-yahtāj par ḳhush hai

samajh jis ko hai us ko bahs-e-besh-o-kam se kyā matlab

jise marnā na ho vo hashr tak kī fikr meñ uljhe

badaltī hai agar duniyā to badle ham se kyā matlab

mirī fitrat meñ mastī hai haqīqat-bīñ hai dil merā

mujhe saaqī kī kyā hājat hai jām-o-jam se kyā matlab

ḳhud apnī riish meñ uljhe hue haiñ hazrat-e-vā'iz

bhalā un ko butoñ ke gesu-e-pur-ḳham se kyā matlab

na.ī tā’līm ko kyā vāsta hai ādamiyyat se

janāb-e-Dārvin ko hazrat-e-ādam se kyā matlab

sadā-e-sarmadī se mast rahtā huuñ sadā 'akbar'

mujhe naġhmoñ kī kyā parvā mujhe sargam se kyā matlab

KHudi gum kar chuka hun ab KHushi-o-gham se kya matlab

ta'alluq hosh se chhoDa to ab 'alam se kya matlab

qana’at jis ko hai wo rizq-e-ma-yahtaj par KHush hai

samajh jis ko hai us ko bahs-e-besh-o-kam se kya matlab

jise marna na ho wo hashr tak ki fikr mein uljhe

badalti hai agar duniya to badle hum se kya matlab

meri fitrat mein masti hai haqiqat-bin hai dil mera

mujhe saqi ki kya hajat hai jam-o-jam se kya matlab

KHud apni rish mein uljhe hue hain hazrat-e-wa'iz

bhala un ko buton ke gesu-e-pur-KHam se kya matlab

nai ta’lim ko kya wasta hai aadamiyyat se

janab-e-Darwin ko hazrat-e-adam se kya matlab

sada-e-sarmadi se mast rahta hun sada 'akbar'

mujhe naghmon ki kya parwa mujhe sargam se kya matlab