kisi aaseb ka saya hai is par log kahte hain

kisī aaseb kā saaya hai is par log kahte haiñ

paḌā rahtā hai vo hujre ke andar log kahte haiñ

mirī bastī meñ ik buḌhiyā hai jo sach-much kī Daa.in hai

vo khā jaatī hai bachchoñ ko pakaḌ kar log kahte haiñ

har ik rishta yahāñ qaa.em hai bas matlab parastī par

zamāne meñ yahī raa.ij hai culture log kahte haiñ

muazziz shaḳhsiyat hai shahr kā ab nāmvar ġhunda

ki ban baiThā hai vo pārTī kā leader log kahte haiñ

sabaq letā hai jo bhī ḳhāmiyoñ se apne maazī kī

vahī jaatā hai mustaqbil meñ uupar log kahte haiñ

ta.alluq hai mirā bas dostī kī had talak us se

ġhalat bāteñ hī lekin kyoñ barābar log kahte haiñ

shikasta naav le kar 'faiz' nikle ho samundar meñ

tumhārā Duub jaanā hai muqaddar log kahte haiñ

kisi aaseb ka saya hai is par log kahte hain

paDa rahta hai wo hujre ke andar log kahte hain

meri basti mein ek buDhiya hai jo sach-much ki Dain hai

wo kha jati hai bachchon ko pakaD kar log kahte hain

har ek rishta yahan qaem hai bas matlab parasti par

zamane mein yahi raij hai culture log kahte hain

muazziz shaKHsiyat hai shahr ka ab namwar ghunda

ki ban baiTha hai wo parTi ka leader log kahte hain

sabaq leta hai jo bhi KHamiyon se apne mazi ki

wahi jata hai mustaqbil mein upar log kahte hain

talluq hai mera bas dosti ki had talak us se

ghalat baaten hi lekin kyon barabar log kahte hain

shikasta naw le kar 'faiz' nikle ho samundar mein

tumhaara Dub jaana hai muqaddar log kahte hain