kisi ko paikar-e-mahtab mein jo Dhaala tha

kisī ko paikar-e-mahtāb meñ jo Dhālā thā

ḳhayāl-o-ḳhvāb kā vo āḳhirī sañbhālā thā

har ek shaḳhs pe parchhā.īñ kā ḳhayāl huā

tirī galī meñ ajab tarah kā ujālā thā

na jaane kis liye zulmat ne us pe yūrish kī

vo āftāb ki jo ḳhud hī Dhalne vaalā thā

isī ḳhatā pe har ik ḳhaar ne qadam chūme

vo ek kāñTā hī kyoñ paañv se nikālā thā

koī batāo ki sūraj ko ye jhijhak kyoñ hai

abhī kiran ne to kohre se sar nikālā thā

bilā-sabab mujhe yādoñ ne sangsār kiyā

sarāb-e-zīst se maiñ kab nikalne vaalā thā

kabhī to ham ne bhī ḳhvāboñ ke but tarāshe the

hamāre dil meñ bhī ulfat kā ik shivāla thā

kisi ko paikar-e-mahtab mein jo Dhaala tha

KHayal-o-KHwab ka wo aaKHiri sanbhaala tha

har ek shaKHs pe parchhain ka KHayal hua

teri gali mein ajab tarah ka ujala tha

na jaane kis liye zulmat ne us pe yurish ki

wo aaftab ki jo KHud hi Dhalne wala tha

isi KHata pe har ek KHar ne qadam chume

wo ek kanTa hi kyon panw se nikala tha

koi batao ki suraj ko ye jhijhak kyon hai

abhi kiran ne to kohre se sar nikala tha

bila-sabab mujhe yaadon ne sangsar kiya

sarab-e-zist se main kab nikalne wala tha

kabhi to hum ne bhi KHwabon ke but tarashe the

hamare dil mein bhi ulfat ka ek shiwala tha