kya jaane tu ne kaun si bedad aaj ki

kyā jaane tū ne kaun sī bedād aaj kī

jo dil ne jā-ba-jā tirī fariyād aaj kī

rahnā mudām vasl to ma.alūm par miyāñ

sohbat rahegī mujh ko bahut yaad aaj kī

lo sach kaho bulāte ho kyoñ mujh ko har ghaḌī

taaza koī jafā magar ījād aaj kī

dil ko to kal hī phūñk chukā thā vo sho.ala-ḳhū

haañ raakh kuchh paḌī thī so barbād aaj kī

ik dam meñ dām-e-zulf se pakḌā ye murġh-e-dil

phurtī to tū ne aur hī sayyād aaj kī

mismār phir to kal hī karegā navāh-e-dil

kuchh fā.eda nahīñ hai jo buniyād aaj kī

gaalī dī mujh ko pyaar se maiñ shaad ho gayā

ye zor chiiz aap ne imdād aaj kī

kyā kyā ḳhayāl dil meñ guzarte haiñ hai ġhazab

kyoñ tū ne der qatl meñ jallād aaj kī

jis baat kā qalaq mujhe ik umr thā rahā

'afsos' tū ne phir vahī irshād aaj kī

kya jaane tu ne kaun si bedad aaj ki

jo dil ne ja-ba-ja teri fariyaad aaj ki

rahna mudam wasl to malum par miyan

sohbat rahegi mujh ko bahut yaad aaj ki

lo sach kaho bulate ho kyon mujh ko har ghaDi

taza koi jafa magar ijad aaj ki

dil ko to kal hi phunk chuka tha wo shoala-KHu

han rakh kuchh paDi thi so barbaad aaj ki

ek dam mein dam-e-zulf se pakDa ye murgh-e-dil

phurti to tu ne aur hi sayyaad aaj ki

mismar phir to kal hi karega nawah-e-dil

kuchh faeda nahin hai jo buniyaad aaj ki

gali di mujh ko pyar se main shad ho gaya

ye zor chiz aap ne imdad aaj ki

kya kya KHayal dil mein guzarte hain hai ghazab

kyon tu ne der qatl mein jallad aaj ki

jis baat ka qalaq mujhe ek umr tha raha

'afsos' tu ne phir wahi irshad aaj ki