lazzat-e-dard baDha kar main ghazal kahta hun

lazzat-e-dard baḌhā kar maiñ ġhazal kahtā huuñ

aag meñ ḳhud ko jalā kar maiñ ġhazal kahtā huuñ

jalva-e-husn-e-atam hai vo sarāpā-e-jamāl

us ke jalvoñ meñ samā kar maiñ ġhazal kahtā huuñ

imtiyāz-e-man-o-tū kaisā kahāñ kī tafrīq

juzv ko kul se milā kar maiñ ġhazal kahtā huuñ

yūrish-e-daur kahīñ gard mirī pā na sakeñ

sham'-e-ummīd bujhā kar maiñ ġhazal kahtā huuñ

aarzū vasl kī hai shauq meñ iksīr-e-hayāt

is meñ kuchh aañch dikhā kar maiñ ġhazal kahtā huuñ

harf nāmūs-e-mohabbat pe na aa jaa.e kahīñ

shaiḳh-e-nādāñ se chhupā kar maiñ ġhazal kahtā huuñ

nik.hat-e-nūr mukammal hai junūñ kī tafsīr

soz-e-ġham is meñ baḌhā kar maiñ ġhazal kahtā huuñ

ḳhair-maqdam ko pa.e-āmad-e-jānāñ 'alavī'

ashk palkoñ pe sajā kar maiñ ġhazal kahtā huuñ

lazzat-e-dard baDha kar main ghazal kahta hun

aag mein KHud ko jala kar main ghazal kahta hun

jalwa-e-husn-e-atam hai wo sarapa-e-jamal

us ke jalwon mein sama kar main ghazal kahta hun

imtiyaz-e-man-o-tu kaisa kahan ki tafriq

juzw ko kul se mila kar main ghazal kahta hun

yurish-e-daur kahin gard meri pa na saken

sham'-e-ummid bujha kar main ghazal kahta hun

aarzu wasl ki hai shauq mein iksir-e-hayat

is mein kuchh aanch dikha kar main ghazal kahta hun

harf namus-e-mohabbat pe na aa jae kahin

shaiKH-e-nadan se chhupa kar main ghazal kahta hun

nikhat-e-nur mukammal hai junun ki tafsir

soz-e-gham is mein baDha kar main ghazal kahta hun

KHair-maqdam ko pae-amad-e-jaanan 'alawi'

ashk palkon pe saja kar main ghazal kahta hun