leta hun tera nam har ek nam se pahle

letā huuñ terā naam har ik naam se pahle

kuchh zikr nahīñ kartā huuñ us kaam se pahle

manzil kī sa.ūbat kabhī āzār na hogī

maiñ naam tirā letā huuñ har gaam se pahle

hai ishq kā āġhāz hī anjām kā hāsil

anjām nazar aatā hai anjām se pahle

maiñ ḳhud hī chalā jā.ūñgā maiḳhāne se uTh kar

saaqī se jo laḌ jaa.e nazar jaam se pahle

rindadan-e-balā-nosh kī hai baat hī kuchh aur

mai piite nahīñ shaiḳh kabhī shaam se pahle

vahshat meñ zamāna mujhe badnām na kartā

ho jaatā rafū chaak jo ilzām se pahle

kahte haiñ vahī aap jo kahtā hai zamāna

kuchh aur bhī kah lījiye badnām se pahle

ye un kī ināyat se mirā haal huā hai

kuchh vaar atā karte haiñ in.aam se pahle

kahtā huuñ ġhazal un ke tasavvur meñ 'nazar' jab

aalam hī ajab hotā hai ilhām se pahle

leta hun tera nam har ek nam se pahle

kuchh zikr nahin karta hun us kaam se pahle

manzil ki saubat kabhi aazar na hogi

main nam tera leta hun har gam se pahle

hai ishq ka aaghaz hi anjam ka hasil

anjam nazar aata hai anjam se pahle

main KHud hi chala jaunga maiKHane se uTh kar

saqi se jo laD jae nazar jam se pahle

rindadan-e-bala-nosh ki hai baat hi kuchh aur

mai pite nahin shaiKH kabhi sham se pahle

wahshat mein zamana mujhe badnam na karta

ho jata rafu chaak jo ilzam se pahle

kahte hain wahi aap jo kahta hai zamana

kuchh aur bhi kah lijiye badnam se pahle

ye un ki inayat se mera haal hua hai

kuchh war ata karte hain inam se pahle

kahta hun ghazal un ke tasawwur mein 'nazar' jab

aalam hi ajab hota hai ilham se pahle