maal-e-kar na kuchh bhi hua to kya hoga

ma.āl-e-kār na kuchh bhī huā to kyā hogā

na ham rahe na zamāna rahā to kyā hogā

maiñ hañs rahā huuñ zamāne kī shād-kāmī par

charāġh-e-aish jo gul ho gayā to kyā hogā

mujhe fareb na de ai tilism-e-ḳhvāb-o-ḳhayāl

ruḳh-e-hayāt agar phir gayā to kyā hogā

zamīr-e-dahr meñ vo zindagī kī lahr kahāñ

diloñ meñ soz-e-mohabbat rahā to kyā hogā

talāsh-e-manzil-e-hastī zarūr hai lekin

nishān-e-rāh na gar mil sakā to kyā hogā

tumheñ yaqīñ hai ki hai khel raqs-e-betābi

jo mere dil ko sukūñ aa gayā to kyā hogā

ma.āl-e-mausam-e-gul hai ḳhizāñ to phir ai 'hosh'

huī bhī da.avat-e-āb-o-havā to kyā hogā

maal-e-kar na kuchh bhi hua to kya hoga

na hum rahe na zamana raha to kya hoga

main hans raha hun zamane ki shad-kaami par

charagh-e-aish jo gul ho gaya to kya hoga

mujhe fareb na de ai tilism-e-KHwab-o-KHayal

ruKH-e-hayat agar phir gaya to kya hoga

zamir-e-dahr mein wo zindagi ki lahr kahan

dilon mein soz-e-mohabbat raha to kya hoga

talash-e-manzil-e-hasti zarur hai lekin

nishan-e-rah na gar mil saka to kya hoga

tumhein yaqin hai ki hai khel raqs-e-betabi

jo mere dil ko sukun aa gaya to kya hoga

maal-e-mausam-e-gul hai KHizan to phir ai 'hosh'

hui bhi dawat-e-ab-o-hawa to kya hoga