main na samjha bulbul be-baal-o-par ne kya kaha

maiñ na samjhā bulbul be-bāl-o-par ne kyā kahā

gosh-e-gul meñ qāsid-e-bād-e-sahar ne kyā kahā

naza.a ke dam bhī zi-bas lailā ko maan.e thā hijāb

chupke chupke roī aur us nauhagar ne kyā kahā

tere vahshī se abas tujh ko ḳhafā karte haiñ log

sab ye bāteñ jhūTh thiiñ us be-ḳhabar ne kyā kahā

saiñkaḌoñ rañgīniyāñ paidā kiiñ us ne vaqt-e-qasd

ḳhūn-e-majnūñ se zabān-e-neshtar ne kyā kahā

nāma-bar ko gāliyāñ diiñ us ne sun kar merā naam

muñh ko taktā rah gayā aur nāma-bar ne kyā kahā

ho gayā us ko pahan kar aur bhī maġhrūr vo

kaan meñ us shoḳh ke silk-e-guhar ne kyā kahā

joḌnā un kā nihāyat ai 'havas' dushvār thā

dil ke TukḌe dekh mere shīshagar ne kyā kahā

main na samjha bulbul be-baal-o-par ne kya kaha

gosh-e-gul mein qasid-e-baad-e-sahar ne kya kaha

naza ke dam bhi zi-bas laila ko mane tha hijab

chupke chupke roi aur us nauhagar ne kya kaha

tere wahshi se abas tujh ko KHafa karte hain log

sab ye baaten jhuTh thin us be-KHabar ne kya kaha

sainkaDon ranginiyan paida kin us ne waqt-e-qasd

KHun-e-majnun se zaban-e-neshtar ne kya kaha

nama-bar ko galiyan din us ne sun kar mera nam

munh ko takta rah gaya aur nama-bar ne kya kaha

ho gaya us ko pahan kar aur bhi maghrur wo

kan mein us shoKH ke silk-e-guhar ne kya kaha

joDna un ka nihayat ai 'hawas' dushwar tha

dil ke TukDe dekh mere shishagar ne kya kaha