maine kab rakhna tha us but ko KHuda se pahle

maiñ ne kab rakhnā thā us but ko ḳhudā se pahle

kaash mujh par ye khulā hotā qazā se pahle

kitnī pātāl sarāoñ meñ bhaTaktā rahā huuñ

rāhat-e-jāñ tirī ārām-sarā se pahle

ham vo ḳhushbū haiñ jo yaktā.ī kī ḳhū rakhte haiñ

rābte toḌ ke aa bād-e-sabā se pahle

dil tire kufr pe hairān nahīñ hai mire dost

lā kī manzil bhī hai iqrār-e-vafā se pahle

ab zarūrī hai so hai dard baratne kā hunar

chup ke arkān adā kiije sadā se pahle

to zarūrat har ik ījād kī maañ hai ya.anī

zaḳhm ījād kiyā us ne davā se pahle

main ne kab rakhna tha us but ko KHuda se pahle

kash mujh par ye khula hota qaza se pahle

kitni patal saraon mein bhaTakta raha hun

rahat-e-jaan teri aaram-sara se pahle

hum wo KHushbu hain jo yaktai ki KHu rakhte hain

rabte toD ke aa baad-e-saba se pahle

dil tere kufr pe hairan nahin hai mere dost

la ki manzil bhi hai iqrar-e-wafa se pahle

ab zaruri hai so hai dard baratne ka hunar

chup ke arkan ada kije sada se pahle

to zarurat har ek ijad ki man hai yani

zaKHm ijad kiya us ne dawa se pahle