mile be-nishan ke nishan kaise kaise

mile be-nishāñ ke nishāñ kaise kaise

bane lā-makāñ ke makāñ kaise kaise

hue ḳhaak daur-e-jahāñ kaise kaise

hue hādse haiñ yahāñ kaise kaise

sune vasl meñ ham bayāñ kaise kaise

bahāne kiye vo 'ayāñ kaise kaise

qalaq hijr ke haiñ yahāñ kaise kaise

gumāñ karte haiñ vo vahāñ kaise kaise

hai kis kā dahan vasf-e-lab meñ tumhāre

suḳhanvar hue be-zabāñ kaise kaise

na shīrīñ hī hai aur na lailā hai afsos

jahāñ se ga.e qadr-dāñ kaise kaise

ka.ī khāte haiñ ġham ka.ī haiñ balā-nosh

haiñ is ḳhvān par mehmāñ kaise kaise

gul-e-dāġh-e-dil aah se kyuuñ na murjhā.e

ujāḌe chaman ye ḳhizāñ kaise kaise

nasīboñ se ghar baiThe aa.e ho ai jaañ

koī māntā huuñ maiñ haañ kaise kaise

ye charḳh-e-kuhan aah chun-chun ke maarā

tah-e-ḳhāk haiñ naujavāñ kaise kaise

qayāmat ke mazmūn haiñ lahrāte dil meñ

sadaf meñ haiñ bahr-e-ravāñ kaise kaise

mirī ham-safīrī bhī hai khapr teḌhī

haiñ ġhup-chup hī shīrīñ-bayāñ kaise kaise

mah-o-lāla-o-sham.a ke daaġh dekho

jale 'ishq se dūd-māñ kaise kaise

hai kyuuñ vasf-e-yūsuf ke jo kārvāñ kā

jahāñ se ga.e kārvāñ kaise kaise

ilāhī ye kyā gardish-e-āsmāñ hai

jalāne lage mehrbāñ kaise kaise

tasavvur se bhī dekhiye kyuuñ kamar ko

hijāb aate haiñ darmiyāñ kaise kaise

har ik shaam chalte haiñ tīr-e-nigah yaañ

nikalte haiñ abrū-kamāñ kaise kaise

chhuā thā ki ik ghaat añgiye ko un ke

haiñ tūfāñ uThe al-amāñ kaise kaise

maiñ qurbāñ ḳhudā.ī ke vo but jo pūchhe

haiñ armān dil meñ nihāñ kaise kaise

karūñ mai se tauba maiñ astaġhfirullāh

liye 'ahd-o-paimāñ muġhāñ kaise kaise

amīnī hai jibrīl par garche qāsid

hameñ ho rahe haiñ gumāñ kaise kaise

'nasīm' un kī baḳhshish bhī lā-intihā hai

hue jurm ham se 'ayāñ kaise kaise

mile be-nishan ke nishan kaise kaise

bane la-makan ke makan kaise kaise

hue KHak daur-e-jahan kaise kaise

hue hadse hain yahan kaise kaise

sune wasl mein hum bayan kaise kaise

bahane kiye wo 'ayan kaise kaise

qalaq hijr ke hain yahan kaise kaise

guman karte hain wo wahan kaise kaise

hai kis ka dahan wasf-e-lab mein tumhaare

suKHanwar hue be-zaban kaise kaise

na shirin hi hai aur na laila hai afsos

jahan se gae qadr-dan kaise kaise

kai khate hain gham kai hain bala-nosh

hain is KHwan par mehman kaise kaise

gul-e-dagh-e-dil aah se kyun na murjhae

ujaDe chaman ye KHizan kaise kaise

nasibon se ghar baiThe aae ho ai jaan

koi manta hun main han kaise kaise

ye charKH-e-kuhan aah chun-chun ke mara

tah-e-KHak hain naujawan kaise kaise

qayamat ke mazmun hain lahraate dil mein

sadaf mein hain bahr-e-rawan kaise kaise

meri ham-safiri bhi hai khapr teDhi

hain ghup-chup hi shirin-bayan kaise kaise

mah-o-lala-o-shama ke dagh dekho

jale 'ishq se dud-man kaise kaise

hai kyun wasf-e-yusuf ke jo karwan ka

jahan se gae karwan kaise kaise

ilahi ye kya gardish-e-asman hai

jalane lage mehrban kaise kaise

tasawwur se bhi dekhiye kyun kamar ko

hijab aate hain darmiyan kaise kaise

har ek sham chalte hain tir-e-nigah yan

nikalte hain abru-kaman kaise kaise

chhua tha ki ek ghat angiye ko un ke

hain tufan uThe al-aman kaise kaise

main qurban KHudai ke wo but jo puchhe

hain arman dil mein nihan kaise kaise

karun mai se tauba main astaghfirullah

liye 'ahd-o-paiman mughan kaise kaise

amini hai jibril par garche qasid

hamein ho rahe hain guman kaise kaise

'nasim' un ki baKHshish bhi la-intiha hai

hue jurm hum se 'ayan kaise kaise