misl dariya ke agar ashk-fishani hoti

misl dariyā ke agar ashk-fishānī hotī

āñsuoñ meñ sifat-e-sail ravānī hotī

gar ajal aur bahānoñ se bhī aanī hotī

phir shab-e-hijr na yuuñ dushman-e-jānī hotī

yaar tak kashtī-e-tan bah ke pahuñchtī merī

qulzum-e-ashk meñ itnī to ravānī hotī

un ke abrū ke agar vasf sarāsar likhtā

sūrat-e-teġh qalam meñ bhī ravānī hotī

sāmrī bahs meñ kyā tum se muqābil hotā

murde jī uThte agar sehr-bayānī hotī

qissa-e-qais meñ kyūñkar na jidādat kartā

lutf kyā hotā kahānī jo purānī hotī

chashm-e-jādū kī bayāñ karte agar vo tārīf

lab-e-īsā meñ bhī phir sehr-bayānī hotī

ek hī din ke liye vasl pe raazī hote

merī minnat to koī aap ne maanī hotī

ye havā hotī na phir un ke havā-ḳhvāhoñ meñ

marg-e-āshiq kī ḳhabar gar na uḌānī hotī

gar dikhātā karam-e-zehn-e-rasā faiz mujhe

sūrat-e-bahr tabī.at meñ ravānī hotī

sun ke ro dete huzūr aap bhī merī sūrat

jab bayāñ is dil-e-murda kī kahānī hotī

dard-e-dil maiñ jo bayāñ karne lagā hañs ke kahā

ham bhī sunte jo na.ī koī kahānī hotī

faiz gar paikar-e-tasvīr meñ hotā terā

ḳhuuñ kī rag.hā-e-badan meñ bhī ravānī hotī

tan pe khātā na maiñ kyoñ shauq se gul chhalloñ ke

paas koī to mohabbat kī nishānī hotī

kaash paḌte ruḳh-e-nāzuk pe nishān bosoñ ke

kuchh na kuchh vasl ke paas un kī nishānī hotī

un kā bismil jo taḌap kar na lahad meñ jaatā

laash ahbāb ko kāñdhoñ pe uThānī hotī

ḳhat mujhe de ke jo paiġhām bhī detā qāsid

guftugū us kī payambar kī zabānī hotī

āñdhiyāñ bād-e-fanā phir na lahad par ātīñ

in havāoñ ko na gar ḳhaak uḌānī hotī

sun ke rah jaate kaleje ko pakaḌ ke apne

dil-e-pur-dard kī aisī to kahānī hotī

gardaneñ aap se kaTtīñ na hazāroñ kī kabhī

baaḌh par vo na agar teġh-e-javānī hotī

ḳhaak uḌātā na agar ishq-e-butāñ ke pīchhe

haa.e barbād na yuuñ merī javānī hotī

ishq hotā na hasīnān-e-jahāñ kā mujh ko

aap māshūq agar merī javānī hotī

apne hāthoñ se kabhī qatl na karte 'fāḳhir'

mehñdī gar ḳhuun kī un ko na lagānī hotī

misl dariya ke agar ashk-fishani hoti

aansuon mein sifat-e-sail rawani hoti

gar ajal aur bahanon se bhi aani hoti

phir shab-e-hijr na yun dushman-e-jaani hoti

yar tak kashti-e-tan bah ke pahunchti meri

qulzum-e-ashk mein itni to rawani hoti

un ke abru ke agar wasf sarasar likhta

surat-e-tegh qalam mein bhi rawani hoti

samri bahs mein kya tum se muqabil hota

murde ji uThte agar sehr-bayani hoti

qissa-e-qais mein kyunkar na jidadat karta

lutf kya hota kahani jo purani hoti

chashm-e-jadu ki bayan karte agar wo tarif

lab-e-isa mein bhi phir sehr-bayani hoti

ek hi din ke liye wasl pe raazi hote

meri minnat to koi aap ne mani hoti

ye hawa hoti na phir un ke hawa-KHwahon mein

marg-e-ashiq ki KHabar gar na uDani hoti

gar dikhata karam-e-zehn-e-rasa faiz mujhe

surat-e-bahr tabiat mein rawani hoti

sun ke ro dete huzur aap bhi meri surat

jab bayan is dil-e-murda ki kahani hoti

dard-e-dil main jo bayan karne laga hans ke kaha

hum bhi sunte jo nai koi kahani hoti

faiz gar paikar-e-taswir mein hota tera

KHun ki ragha-e-badan mein bhi rawani hoti

tan pe khata na main kyon shauq se gul chhallon ke

pas koi to mohabbat ki nishani hoti

kash paDte ruKH-e-nazuk pe nishan boson ke

kuchh na kuchh wasl ke pas un ki nishani hoti

un ka bismil jo taDap kar na lahad mein jata

lash ahbab ko kandhon pe uThani hoti

KHat mujhe de ke jo paigham bhi deta qasid

guftugu us ki payambar ki zabani hoti

aandhiyan baad-e-fana phir na lahad par aatin

in hawaon ko na gar KHak uDani hoti

sun ke rah jate kaleje ko pakaD ke apne

dil-e-pur-dard ki aisi to kahani hoti

gardanen aap se kaTtin na hazaron ki kabhi

baDh par wo na agar tegh-e-jawani hoti

KHak uData na agar ishq-e-butan ke pichhe

hae barbaad na yun meri jawani hoti

ishq hota na hasinan-e-jahan ka mujh ko

aap mashuq agar meri jawani hoti

apne hathon se kabhi qatl na karte 'faKHir'

mehndi gar KHun ki un ko na lagani hoti