muKHtasar se muKHtasar ye ishq ka anjam hai

muḳhtasar se muḳhtasar ye ishq kā anjām hai

har tamanna muztarib har aarzū nākām hai

band āñkheñ dekh kar vaqt-e-sahar hairāñ na ho

ab to bīmār-e-mohabbat ko sahar bhī shaam hai

dekhnā bīmār-e-ġham ne chupke chupke kyā kahā

hāl-e-dil kuchh kah rahā hai yā kisī kā naam hai

merī hastī paikar-e-ibrat hai aalam ke liye

merī barbādī mohabbat kā khulā anjām hai

merā jazb-e-ishq āḳhir merā jazb-e-ishq hai

husn ko nīchā dikhā duuñ jab to merā naam hai

kyoñ nahīñ detī javāb un ko nigāh-e-iltifāt

mujh pe kyoñ āḳhir sukūn-e-qalb kā ilzām hai

dekhnā tashrīf laate haiñ janāb-e-‘ārzū’

haath meñ shīsha baġhal meñ ik subū-e-ḳhām hai

muKHtasar se muKHtasar ye ishq ka anjam hai

har tamanna muztarib har aarzu nakaam hai

band aankhen dekh kar waqt-e-sahar hairan na ho

ab to bimar-e-mohabbat ko sahar bhi sham hai

dekhna bimar-e-gham ne chupke chupke kya kaha

haal-e-dil kuchh kah raha hai ya kisi ka nam hai

meri hasti paikar-e-ibrat hai aalam ke liye

meri barbaadi mohabbat ka khula anjam hai

mera jazb-e-ishq aaKHir mera jazb-e-ishq hai

husn ko nicha dikha dun jab to mera nam hai

kyon nahin deti jawab un ko nigah-e-iltifat

mujh pe kyon aaKHir sukun-e-qalb ka ilzam hai

dekhna tashrif late hain janab-e-‘arzu’

hath mein shisha baghal mein ek subu-e-KHam hai