na samajh saki jo duniya ye zaban-e-be-zabani

na samajh sakī jo duniyā ye zabān-e-be-zabānī

tirā chehra ḳhud kahegā mire qatl kī kahānī

ye azāb-e-āsmānī ye itāb-e-nā-gahānī

haiñ kahāñ samajhne vaale mire āñsuoñ ko paanī

kahīñ luT rahā hai ḳhirman kahīñ jal rahā hai gulshan

use kis ne sauñp dī hai ye chaman kī pāsbānī

mirī tujh se kyā hai nisbat mirā tujh se vāsta kyā

tū harīs-e-lāla-o-gul maiñ fidā-e-bāġhbānī

tujhe naaz husn par hai mujhe naaz ishq par hai

tirā husn chand-roza mirā ishq jāvedānī

ye vo dil-rubā hai duniyā mire dosto ki jis kī

na koī adā na.ī hai na koī adā purānī

koī us se kah de 'aḳhtar' zarā hosh meñ vo aa.e

na rahegā zindagī bhar ye surūr-e-shādmānī

na samajh saki jo duniya ye zaban-e-be-zabani

tera chehra KHud kahega mere qatl ki kahani

ye azab-e-asmani ye itab-e-na-gahani

hain kahan samajhne wale mere aansuon ko pani

kahin luT raha hai KHirman kahin jal raha hai gulshan

use kis ne saunp di hai ye chaman ki pasbani

meri tujh se kya hai nisbat mera tujh se wasta kya

tu haris-e-lala-o-gul main fida-e-baghbani

tujhe naz husn par hai mujhe naz ishq par hai

tera husn chand-roza mera ishq jawedani

ye wo dil-ruba hai duniya mere dosto ki jis ki

na koi ada nai hai na koi ada purani

koi us se kah de 'aKHtar' zara hosh mein wo aae

na rahega zindagi bhar ye surur-e-shadmani