nashat-e-dard ke mausam mein gar nami kam hai
nashat-e-dard ke mausam mein gar nami kam hai
P P Srivastava Rind
MORE BYP P Srivastava Rind
nashāt-e-dard ke mausam meñ gar namī kam hai
fazā ke barg-e-shafaq par bhī tāzgī kam hai
sarāb ban ke ḳhalāoñ meñ gum nazāra-e-samt
mujhe lagā ki ḳhalāoñ meñ raushnī kam hai
ajiib log haiñ kāñToñ pe phuul rakhte haiñ
ye jānte hue in meñ muqaddarī kam hai
na koī ḳhvāb na yādoñ kā be-karāñ sā hujūm
udaas raat ke ḳheme meñ dilkashī kam hai
maiñ apne-āp meñ bikhrā huā huuñ muddat se
agar maiñ ḳhud ko sameTūñ to zindagī kam hai
khulī chhatoñ pe dupaTTe havā meñ uḌte nahīñ
tumhāre shahr meñ kyā āsmān bhī kam hai
purānī soch ko samjheñ to koī baat bane
jadīd fikr meñ ehsās-e-naġhmagī kam hai
kahāñ se lāoge ai 'rind' mo'tabar mazmūn
ġhazal meñ jabki rivāyat kī chāshnī kam hai
nashat-e-dard ke mausam mein gar nami kam hai
faza ke barg-e-shafaq par bhi tazgi kam hai
sarab ban ke KHalaon mein gum nazara-e-samt
mujhe laga ki KHalaon mein raushni kam hai
ajib log hain kanTon pe phul rakhte hain
ye jaante hue in mein muqaddari kam hai
na koi KHwab na yaadon ka be-karan sa hujum
udas raat ke KHeme mein dilkashi kam hai
main apne-ap mein bikhra hua hun muddat se
agar main KHud ko sameTun to zindagi kam hai
khuli chhaton pe dupaTTe hawa mein uDte nahin
tumhaare shahr mein kya aasman bhi kam hai
purani soch ko samjhen to koi baat bane
jadid fikr mein ehsas-e-naghmagi kam hai
kahan se laoge ai 'rind' mo'tabar mazmun
ghazal mein jabki riwayat ki chashni kam hai
- Book : bujht-e-lamhon ka dhuvan (Pg. 24)
- Author : pp srivastv rind
- Publication : niralii duniya publication (2012)
- Edition : 2012
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
