nazar se sab ki pinhan hai jo andaz-e-nazar apna

nazar se sab kī pinhāñ hai jo andāz-e-nazar apnā

kahīñ miTTī meñ mil jaa.e na sab kasb-e-hunar apnā

muhīt-e-soz-e-ālam hai agar soz-e-hunar apnā

ba-qadr-e-vus.at-e-dil chāhiye dard-e-jigar apnā

ġhazal-goī kī tohmat kyoñ mire zauq-e-junūñ par hai

nahīñ minnat-kash-e-rasm-e-hunar zauq-e-hunar apnā

har ik kā dard hī baa.is agar hai dard kā apne

kahāñ tak chārā-jūī kar sakegā chārāgar apnā

pa-e-tausī.a-e-fan dār-o-rasan haiñ muntazir mere

bahut minnat-kash-e-taufīq-e-dushman hai hunar apnā

qadam sadiyoñ ke uupar haiñ nazar sadiyoñ se aage hai

na.ī ta.amīr meñ sarmast hai zauq-e-hunar apnā

yahī ik intiqām apnā bahut kaafī hai duniyā se

agar ġhusse meñ duniyā se chhupā rakkhūñ hunar apnā

nazar se sab ki pinhan hai jo andaz-e-nazar apna

kahin miTTi mein mil jae na sab kasb-e-hunar apna

muhit-e-soz-e-alam hai agar soz-e-hunar apna

ba-qadr-e-wusat-e-dil chahiye dard-e-jigar apna

ghazal-goi ki tohmat kyon mere zauq-e-junun par hai

nahin minnat-kash-e-rasm-e-hunar zauq-e-hunar apna

har ek ka dard hi bais agar hai dard ka apne

kahan tak chaara-jui kar sakega chaaragar apna

pa-e-tausia-e-fan dar-o-rasan hain muntazir mere

bahut minnat-kash-e-taufiq-e-dushman hai hunar apna

qadam sadiyon ke upar hain nazar sadiyon se aage hai

nai tamir mein sarmast hai zauq-e-hunar apna

yahi ek intiqam apna bahut kafi hai duniya se

agar ghusse mein duniya se chhupa rakkhun hunar apna