nigah-e-ishq uTh gai jidhar jidhar jahan-jahan

nigāh-e-ishq uTh ga.ī jidhar jidhar jahāñ-jahāñ

harīm-e-husn be-hijāb udhar udhar vahāñ vahāñ

ḳhud apnī hī tajalliyoñ meñ mil gayā nishān-e-haq

bhaTaktī jaane ye nazar kidhar kidhar kahāñ kahāñ

charāġh ban ke zulmatoñ ko nuur meñ badal gayā

mirā vajūd-e-zau-fishāñ sahar sahar azaañ azaañ

maiñ rang rang ruup ruup chhāñv chhāñv dhuup dhuup

maiñ bām-o-dar makāñ makāñ asar asar zamāñ zamāñ

sukūñ kahāñ hai qalb ko firāq ho ki vasl ho

jigar jigar tapāñ tapāñ nazar nazar dhuāñ dhuāñ

za-farq tā-qadam sitam qayāmatī hī dam-ba-dam

vo abrū-o-mizha baham tabar tabar sināñ sināñ

nadī kī tarah chaḌh ke kyoñ javāniyāñ utar ga.iiñ

fasāna-e-hayāt bhī ḳhabar ḳhabar gumāñ gumāñ

chaman chaman thā naġhma-zan tarab-navā-e-anjuman

ye aaj kyā huā jo hai bashar bashar fuġhāñ fuġhāñ

azal se jo nasīb hai vo har-nafas qarīb hai

havas phirā rahī hai kyoñ Dagar Dagar kashāñ kashāñ

hai rustaḳhez-e-ishq ḳhud surāġh-e-manzil-e-abad

ḳhirad kī hīla-jūī meñ ḳhatar ḳhatar ayaañ ayaañ

maiñ 'barq'-e-kaj-kulāh huuñ faqīr-e-ḳhānqāh huuñ

pukārte haiñ kyoñ mujhe khañDar khañDar nishāñ nishāñ

nigah-e-ishq uTh gai jidhar jidhar jahan-jahan

harim-e-husn be-hijab udhar udhar wahan wahan

KHud apni hi tajalliyon mein mil gaya nishan-e-haq

bhaTakti jaane ye nazar kidhar kidhar kahan kahan

charagh ban ke zulmaton ko nur mein badal gaya

mera wajud-e-zau-fishan sahar sahar azan azan

main rang rang rup rup chhanw chhanw dhup dhup

main baam-o-dar makan makan asar asar zaman zaman

sukun kahan hai qalb ko firaq ho ki wasl ho

jigar jigar tapan tapan nazar nazar dhuan dhuan

za-farq ta-qadam sitam qayamati hi dam-ba-dam

wo abru-o-mizha baham tabar tabar sinan sinan

nadi ki tarah chaDh ke kyon jawaniyan utar gain

fasana-e-hayat bhi KHabar KHabar guman guman

chaman chaman tha naghma-zan tarab-nawa-e-anjuman

ye aaj kya hua jo hai bashar bashar fughan fughan

azal se jo nasib hai wo har-nafas qarib hai

hawas phira rahi hai kyon Dagar Dagar kashan kashan

hai rustaKHez-e-ishq KHud suragh-e-manzil-e-abad

KHirad ki hila-jui mein KHatar KHatar ayan ayan

main 'barq'-e-kaj-kulah hun faqir-e-KHanqah hun

pukarte hain kyon mujhe khanDar khanDar nishan nishan