pahle wo parindon ko ham-zaban banata hai

pahle vo parindoñ ko ham-zabāñ banātā hai

baa'd jaal bunñe ko rassiyāñ banātā hai

aaj ik samundar ne jis se dushmanī kar lī

vo to sirf sāhil par kashtiyāñ banātā hai

jis pe dars-e-hastī kā imtihān guzrā ho

vo qalam se kāġhaz par talḳhiyāñ banātā hai

sub.h hone se pahle shor phail jaatā hai

kaun raat bhar itnī siskiyāñ banātā hai

dil to ḳhair dil Thahrā bebasī meñ kis kis par

raaz khol detā hai rāz-dāñ banātā hai

ḳhāk-e-dasht-e-imkāñ se ik diyā banā kar ke

vahshat-o-tazabzub kī āñdhiyāñ banātā hai

pahle wo parindon ko ham-zaban banata hai

ba'd jal bunne ko rassiyan banata hai

aaj ek samundar ne jis se dushmani kar li

wo to sirf sahil par kashtiyan banata hai

jis pe dars-e-hasti ka imtihan guzra ho

wo qalam se kaghaz par talKHiyan banata hai

subh hone se pahle shor phail jata hai

kaun raat bhar itni siskiyan banata hai

dil to KHair dil Thahra bebasi mein kis kis par

raaz khol deta hai raaz-dan banata hai

KHak-e-dasht-e-imkan se ek diya bana kar ke

wahshat-o-tazabzub ki aandhiyan banata hai