pit ki chanchal agan thi daera-dar-daera

piit kī chanchal agan thī dā.era-dar-dā.era

raqs meñ koī lagan thī dā.era-dar-dā.era

aas kī sundar kiran thī dā.era-dar-dā.era

shoḳhī-e-rang-e-chaman thī dā.era-dar-dā.era

ḳhud meñ hī kitnī magan thī dā.era-dar-dā.era

justujū jo be-thakan thī dā.era-dar-dā.era

chuTkiyāñ letā rahā thā hādisa ik qurb kā

nāchtī shītal pavan thī dā.era-dar-dā.era

ujlī ujlī raushnī se kheltī thī dam-ba-dam

terī zulf-e-pur-shikan thī dā.era-dar-dā.era

chehra chehra kuchh na.ī be-tābiyoñ se āshnā

soch kī dilbar thakan thī dā.era-dar-dā.era

dam-ba-dam āñkhoñ meñ raqsāñ nit-na.e andāz se

shoḳhī-e-sīmīñ-badan thī dā.era-dar-dā.era

chand nā-karda gunāhoñ ke tavāf-e-shauq meñ

fikr-o-fan kī ik jhanan thī dā.era-dar-dā.era

phir kisī harf-e-tahī kā zā.iqa lab par liye

ek chintā tan-badan thī dā.era-dar-dā.era

ik javāñ sī sansanāhaT kā daraḳhshāñ silsila

ārzūoñ kī phaban thī dā.era-dar-dā.era

ubhre sīnoñ kī machaltī marmarīñ sī tāzgī

kis qadar tauba-shikan thī dā.era-dar-dā.era

pit ki chanchal agan thi daera-dar-daera

raqs mein koi lagan thi daera-dar-daera

aas ki sundar kiran thi daera-dar-daera

shoKHi-e-rang-e-chaman thi daera-dar-daera

KHud mein hi kitni magan thi daera-dar-daera

justuju jo be-thakan thi daera-dar-daera

chuTkiyan leta raha tha hadisa ek qurb ka

nachti shital pawan thi daera-dar-daera

ujli ujli raushni se khelti thi dam-ba-dam

teri zulf-e-pur-shikan thi daera-dar-daera

chehra chehra kuchh nai be-tabiyon se aashna

soch ki dilbar thakan thi daera-dar-daera

dam-ba-dam aankhon mein raqsan nit-nae andaz se

shoKHi-e-simin-badan thi daera-dar-daera

chand na-karda gunahon ke tawaf-e-shauq mein

fikr-o-fan ki ek jhanan thi daera-dar-daera

phir kisi harf-e-tahi ka zaiqa lab par liye

ek chinta tan-badan thi daera-dar-daera

ek jawan si sansanahaT ka daraKHshan silsila

aarzuon ki phaban thi daera-dar-daera

ubhre sinon ki machalti marmarin si tazgi

kis qadar tauba-shikan thi daera-dar-daera