rahe dhup mein KHushk shajar ki tarah

rahe dhuup meñ ḳhushk shajar kī tarah

piye dard bhī rāhguzar kī tarah

kabhī moḌ kabhī hai nasheb-o-farāz

ki hai zindagī ek safar kī tarah

na to paikar-e-nūr na paikar-e-tār

rahe aadmī ek bashar kī tarah

jo ġhurūb ho shams sameT le chāñd

ho tulūa kabhī to sahar kī tarah

rahe aag meñ bhī kabhī phuul bane

rahe barf meñ bhī to sharar kī tarah

khile dasht meñ ek gulāb kī misl

phale baaġh meñ mīThe samar kī tarah

kabhī koh-e-girāñ se rahe na hirās

jo uThe bhī to gaam 'zafar' kī tarah

rahe dhup mein KHushk shajar ki tarah

piye dard bhi rahguzar ki tarah

kabhi moD kabhi hai nasheb-o-faraaz

ki hai zindagi ek safar ki tarah

na to paikar-e-nur na paikar-e-tar

rahe aadmi ek bashar ki tarah

jo ghurub ho shams sameT le chand

ho tulua kabhi to sahar ki tarah

rahe aag mein bhi kabhi phul bane

rahe barf mein bhi to sharar ki tarah

khile dasht mein ek gulab ki misl

phale bagh mein miThe samar ki tarah

kabhi koh-e-giran se rahe na hiras

jo uThe bhi to gam 'zafar' ki tarah