ruka to raaz khula kab se apne ghar mein tha

rukā to raaz khulā kab se apne ghar meñ thā

ki merā ghar to mirī hālat-e-safar meñ thā

bahut ajiib sā dukh thā jo tū ne mujh ko diyā

ki ik tabassum-e-maḳhfī bhī chashm-e-tar meñ thā

iraq o shaam ke parde meñ be-naqāb huā

tamām dahr kā dukh ek nañge sar meñ thā

qadam urūs-e-vafā ke kahāñ kahāñ pahuñche

hinā kā rañg sitāroñ kī rahguzar meñ thā

bas ek jur.at-e-rindāna arsa-e-shab meñ

palak jhapakte hī maiñ arsa-e-sahar meñ thā

hazār rañg the us ke hazār pahlū the

judā judā vo jhalaktā nazar nazar meñ thā

ba-faiz-e-bār-e-malāmat jhukī kamar merī

harā shajar thā magar shahr-e-be-samar meñ thā

ruka to raaz khula kab se apne ghar mein tha

ki mera ghar to meri haalat-e-safar mein tha

bahut ajib sa dukh tha jo tu ne mujh ko diya

ki ek tabassum-e-maKHfi bhi chashm-e-tar mein tha

iraq o sham ke parde mein be-naqab hua

tamam dahr ka dukh ek nange sar mein tha

qadam urus-e-wafa ke kahan kahan pahunche

hina ka rang sitaron ki rahguzar mein tha

bas ek jurat-e-rindana arsa-e-shab mein

palak jhapakte hi main arsa-e-sahar mein tha

hazar rang the us ke hazar pahlu the

juda juda wo jhalakta nazar nazar mein tha

ba-faiz-e-bar-e-malamat jhuki kamar meri

hara shajar tha magar shahr-e-be-samar mein tha