ru-e-suKHan janab ki jaanib kabhi na tha

rū-e-suḳhan janāb kī jānib kabhī na thā

āvāz ko udhar bhī uḌā le ga.ī havā

jangal ke ek goshe meñ thā merā naqsh-e-pā

chal chal ke us hujūm ne bilkul miTā diyā

lau de uThā thā merī lapaT se har ik hijāb

dāman hī bach gayā thā ise kyoñ bachā liyā

ghar meñ ghanā añdherā hai bāhar siyāh raat

aise meñ kis ne ḳhvāb-e-sahar se jagā diyā

andar nuqūsh-e-pā-o-sadā jāvedāñ hue

bāhar nuqūsh-e-pā-o-sadā kuchh na bach sakā

ru-e-suKHan janab ki jaanib kabhi na tha

aawaz ko udhar bhi uDa le gai hawa

jangal ke ek goshe mein tha mera naqsh-e-pa

chal chal ke us hujum ne bilkul miTa diya

lau de uTha tha meri lapaT se har ek hijab

daman hi bach gaya tha ise kyon bacha liya

ghar mein ghana andhera hai bahar siyah raat

aise mein kis ne KHwab-e-sahar se jaga diya

andar nuqush-e-pa-o-sada jawedan hue

bahar nuqush-e-pa-o-sada kuchh na bach saka