sae ki tarah koi mere sath laga tha

saa.e kī tarah koī mire saath lagā thā

kyā ghar kī tarah dasht bhī āseb-zada thā

pursish ko na thā koī to tanhā thā bahut maiñ

mahrūm jo thā sab se ḳhafā rahne lagā thā

har dam na.e ehsās kā tūfān thā dil meñ

kyā jāniye maiñ kaun sī miTTī se banā thā

kyā kyā na pareshānī-e-ḳhātir se guzar aa.e

kyā kyā na paḌe rañj ki dekhā na sunā thā

naale ko usī dil meñ utar jaane kī hasrat

aur nai ko usī bhūlne vaale kā gilā thā

āshuftagī-e-sar kī jo tohmat hai ġhalat hai

maiñ apnī hī ḳhushbū se pareshān phirā thā

ye kaun dil-o-jāñ se ham-āhañg huā hai

is darja to mahsūs ḳhudā bhī na huā thā

sae ki tarah koi mere sath laga tha

kya ghar ki tarah dasht bhi aaseb-zada tha

pursish ko na tha koi to tanha tha bahut main

mahrum jo tha sab se KHafa rahne laga tha

har dam nae ehsas ka tufan tha dil mein

kya jaaniye main kaun si miTTi se bana tha

kya kya na pareshani-e-KHatir se guzar aae

kya kya na paDe ranj ki dekha na suna tha

nale ko usi dil mein utar jaane ki hasrat

aur nai ko usi bhulne wale ka gila tha

aashuftagi-e-sar ki jo tohmat hai ghalat hai

main apni hi KHushbu se pareshan phira tha

ye kaun dil-o-jaan se ham-ahang hua hai

is darja to mahsus KHuda bhi na hua tha