samne sab mere hamdam-o-ham-nawa sab magar pusht par war karte hue

sāmne sab mire hamdam-o-ham-navā sab magar pusht par vaar karte hue

din meñ phūloñ se bhī narm lahja magar raat rāhoñ ko pur-ḳhār karte hue

sāf-goī ne ġham ke sivā kyā diyā phir bhī ham apnī fitrat se majbūr haiñ

jo qasīda-navīsī meñ māhir the vo ḳhush haiñ tausīf-e-sarkār karte hue

apne apne safar par haiñ kab se ravāñ phir bhī kyā baat hai donoñ thakte nahīñ

aap rāhoñ meñ kāñTe bichhāte hue ham zamīnoñ ko gulzār karte hue

jab tarannum kī mīzān meñ fan tule ahl-e-fan ke liye mashvara hai mirā

sang-e-idrāk se apnā sar phoḌ leñ aap me.aar me.aar karte hue

apnī apnī zarūrat unheñ khīñch kar phir qasīdoñ ke bāzār meñ le ga.ī

mere ahbāb kuchh duur tak saath the apne lahjoñ ko talvār karte hue

ek pal kī ḳhushī bhī mayassar nahīñ zindagī kī baḳhīloñ kī ḳhairāt hai

kaT ga.ī zindagī yuuñ to 'farhat' magar ek ik saañs dushvār karte hue

samne sab mere hamdam-o-ham-nawa sab magar pusht par war karte hue

din mein phulon se bhi narm lahja magar raat rahon ko pur-KHar karte hue

saf-goi ne gham ke siwa kya diya phir bhi hum apni fitrat se majbur hain

jo qasida-nawisi mein mahir the wo KHush hain tausif-e-sarkar karte hue

apne apne safar par hain kab se rawan phir bhi kya baat hai donon thakte nahin

aap rahon mein kanTe bichhate hue hum zaminon ko gulzar karte hue

jab tarannum ki mizan mein fan tule ahl-e-fan ke liye mashwara hai mera

sang-e-idrak se apna sar phoD len aap mear mear karte hue

apni apni zarurat unhen khinch kar phir qasidon ke bazar mein le gai

mere ahbab kuchh dur tak sath the apne lahjon ko talwar karte hue

ek pal ki KHushi bhi mayassar nahin zindagi ki baKHilon ki KHairaat hai

kaT gai zindagi yun to 'farhat' magar ek ek sans dushwar karte hue