sahra se bhi viran mera ghar hai ki nahin hai

sahrā se bhī vīrāñ mirā ghar hai ki nahīñ hai

is tarah se jiinā bhī hunar hai ki nahīñ hai

ye duniyā basā.ī hai jo ik be-ḳhabarī kī

is meñ kahīñ yādoñ kā guzar hai ki nahīñ hai

hai jism ke zindāñ meñ vahī ruuh kī fariyād

is karb-e-musalsal se mafar hai ki nahīñ hai

dīvār ke saa.e ne tumheñ rok liyā thā

ab himmat-e-īmā-e-safar hai ki nahīñ hai

jis ke liye be-ḳhvāb rahā kartī haiñ āñkheñ

vo aañkh bhī āshufta magar hai ki nahīñ hai

ham shola-e-jāñ tez havāoñ se bachā kar

zinda haiñ magar us ko ḳhabar hai ki nahīñ hai

ab kaun rahā hai jo hameñ itnī ḳhabar de

jo haal idhar hai vo udhar hai ki nahīñ hai

sahra se bhi viran mera ghar hai ki nahin hai

is tarah se jina bhi hunar hai ki nahin hai

ye duniya basai hai jo ek be-KHabari ki

is mein kahin yaadon ka guzar hai ki nahin hai

hai jism ke zindan mein wahi ruh ki fariyaad

is karb-e-musalsal se mafar hai ki nahin hai

diwar ke sae ne tumhein rok liya tha

ab himmat-e-ima-e-safar hai ki nahin hai

jis ke liye be-KHwab raha karti hain aankhen

wo aankh bhi aashufta magar hai ki nahin hai

hum shola-e-jaan tez hawaon se bacha kar

zinda hain magar us ko KHabar hai ki nahin hai

ab kaun raha hai jo hamein itni KHabar de

jo haal idhar hai wo udhar hai ki nahin hai