sham se pahle lauT aane ki baat karo

shaam se pahle lauT aane kī baat karo

in logoñ ko Tarḳhāne kī baat karo

mere liye ta.amīr karo kyoñ tāj-mahal

mere liye ik kāshāne kī baat karo

aa.e ho to baiTh hī jaao fursat se

ab na kabhī vāpas jaane kī baat karo

un āñkhoñ ko misl-e-sitāra bhī na kaho

jaam kī mai kī paimāne kī baat karo

vo to mahalle tak aane se the bezār

un ko apne ghar laane kī baat karo

ham ko apne aap se logo bair nahīñ

tum hī un ke sharmāne kī baat karo

saath kisī din Thahroge tanhā.ī meñ

phir na mujhe tum bahlāne kī baat karo

maiñ is shahr meñ aaya thā begāna thā

mujh ko kabhī tum apnāne kī baat karo

aate jaate apnī umr kaTī 'īraj'

ab koī din sustāne kī baat karo

sham se pahle lauT aane ki baat karo

in logon ko TarKHane ki baat karo

mere liye tamir karo kyon taj-mahal

mere liye ek kashane ki baat karo

aae ho to baiTh hi jao fursat se

ab na kabhi wapas jaane ki baat karo

un aankhon ko misl-e-sitara bhi na kaho

jam ki mai ki paimane ki baat karo

wo to mahalle tak aane se the bezar

un ko apne ghar lane ki baat karo

hum ko apne aap se logo bair nahin

tum hi un ke sharmane ki baat karo

sath kisi din Thahroge tanhai mein

phir na mujhe tum bahlane ki baat karo

main is shahr mein aaya tha begana tha

mujh ko kabhi tum apnane ki baat karo

aate jate apni umr kaTi 'iraj'

ab koi din sustane ki baat karo