sina hai purze purze ja-e-rafu nahin yan

siina hai purze purze jā-e-rafū nahīñ yaañ

Tāñke lagāveñ kis ko dil kī to bū nahīñ yaañ

saaqī hai sarv-o-gul hai mutrib hai aur tarāna

afsos ik yahī hai aise meñ tū nahīñ yaañ

har-chand tū hamesha pesh-e-nazar hai is par

chhuT terī justujū ke kuchh justujū nahīñ yaañ

majlis se apnī gul ko bhijvā de phir chaman meñ

kis vāste ki us kā vo rañg-o-bū nahīñ yaañ

hairān huuñ ki kiije kis se surāġh-e-ishrat

mātam-kada hai aalam juz-hā.e-o-hū nahīñ yaañ

jo aarzū diloñ meñ muzmar hai sāhiboñ ke

hai aarzū to lekin vo aarzū nahīñ yaañ

aa.e the ham chaman meñ sun kar tirī ḳhabar ko

phir kyā kareñge rah kar zālim jo tū nahīñ yaañ

ahl-e-suḳhan kā yā-rab kyuuñ mohtasib hai dushman

click o davāt hai kuchh jām-o-subū nahīñ yaañ

qurbāniyān-e-ulfat sab sar kaTe paḌe haiñ

shamshīr ke havāle kis kā gulū nahīñ yaañ

majlis meñ terī Thahre kyā 'mus.hafī' ki nādāñ

ġhair-e-az-abe-tabe to kuchh guftugū nahīñ yaañ

sina hai purze purze ja-e-rafu nahin yan

Tanke lagawen kis ko dil ki to bu nahin yan

saqi hai sarw-o-gul hai mutrib hai aur tarana

afsos ek yahi hai aise mein tu nahin yan

har-chand tu hamesha pesh-e-nazar hai is par

chhuT teri justuju ke kuchh justuju nahin yan

majlis se apni gul ko bhijwa de phir chaman mein

kis waste ki us ka wo rang-o-bu nahin yan

hairan hun ki kije kis se suragh-e-ishrat

matam-kada hai aalam juz-hae-o-hu nahin yan

jo aarzu dilon mein muzmar hai sahibon ke

hai aarzu to lekin wo aarzu nahin yan

aae the hum chaman mein sun kar teri KHabar ko

phir kya karenge rah kar zalim jo tu nahin yan

ahl-e-suKHan ka ya-rab kyun mohtasib hai dushman

click o dawat hai kuchh jam-o-subu nahin yan

qurbaniyan-e-ulfat sab sar kaTe paDe hain

shamshir ke hawale kis ka gulu nahin yan

majlis mein teri Thahre kya 'mushafi' ki nadan

ghair-e-az-abe-tabe to kuchh guftugu nahin yan