tur ban kar jal gaya ya shauq-e-musa ho gaya

tuur ban kar jal gayā yā shauq-e-mūsā ho gayā

haa.e vo dil jo tire jalve kā shaidā ho gayā

yak-ba-yak ai iltifāt-e-yār ye kyā ho gayā

dard pahle dil meñ uTThā phir tamannā ho gayā

ḳhaak kar denā hai hastī kā kamāl-e-zindagī

qatra dariyā hai jo ham-āġhosh-e-dariyā ho gayā

nā-tavānī sabr kī talqīn jab karne lagī

dard hī hamdard ban kar chāra-farmā ho gayā

rah ga.ī dil meñ jo hasrat rāz-e-ulfat ban ga.ī

ashk bas āñkhoñ se Tapkā thā ki dariyā ho gayā

jhūltī thī kal isī gahvāre meñ ma.asūmiyat

aaj ye dil mahsharistān-e-tamannā ho gayā

har tamannā ban rahī hai ik jahān-e-ārzū

kaun ye dil meñ ilāhī jalva-farmā ho gayā

kyoñ mire kahne se vo parde ke bāhar aa ga.e

ishq to majnūñ hai lekin husn ko kyā ho gayā

ta.ana-e-ahbāb duniyā kī qayās-ārā.iyāñ

ik tirī ḳhātir mujhe sab kuchh gavārā ho gayā

ab kahāñ le jaa.eñ apnī is tabī.at ko 'munīr'

lo ḳhayāl-e-ishq bhī andoh-afzā ho gayā

tur ban kar jal gaya ya shauq-e-musa ho gaya

hae wo dil jo tere jalwe ka shaida ho gaya

yak-ba-yak ai iltifat-e-yar ye kya ho gaya

dard pahle dil mein uTTha phir tamanna ho gaya

KHak kar dena hai hasti ka kamal-e-zindagi

qatra dariya hai jo ham-aghosh-e-dariya ho gaya

na-tawani sabr ki talqin jab karne lagi

dard hi hamdard ban kar chaara-farma ho gaya

rah gai dil mein jo hasrat raaz-e-ulfat ban gai

ashk bas aankhon se Tapka tha ki dariya ho gaya

jhulti thi kal isi gahware mein masumiyat

aaj ye dil mahsharistan-e-tamanna ho gaya

har tamanna ban rahi hai ek jahan-e-arzu

kaun ye dil mein ilahi jalwa-farma ho gaya

kyon mere kahne se wo parde ke bahar aa gae

ishq to majnun hai lekin husn ko kya ho gaya

tana-e-ahbab duniya ki qayas-araiyan

ek teri KHatir mujhe sab kuchh gawara ho gaya

ab kahan le jaen apni is tabiat ko 'munir'

lo KHayal-e-ishq bhi andoh-afza ho gaya