un ke dar par qiyam rakhte hain

un ke dar par qiyām rakhte haiñ

ek ūñchā maqām rakhte haiñ

anginat ārzūeñ haiñ dil meñ

shīsha rakhte haiñ jaam rakhte haiñ

haiñ tajassus talab jo zer-e-nazar

jāda-e-nā-tamām rakhte haiñ

madfanoñ kī pukār sun sun kar

apnī hastī ko thaam rakhte haiñ

sho.ala-sāmāniyoñ kī ThanDak hai

ham bhī phūloñ se kaam rakhte haiñ

paltī hai sub.h bhī in āñkhoñ meñ

raat kā ehtirām rakhte haiñ

bād-pā.ī pe naaz hai ham ko

aur zabāñ par lagām rakhte haiñ

siina uryāñ ram-āshnā na sahī

qais apnā jo naam rakhte haiñ

ik tasavvur meñ ek nazroñ meñ

sub.h rakhte haiñ shaam rakhte haiñ

kuchh to jeb-e-qabā-e-shab meñ ho

ik talāsh-e-mudām rakhte haiñ

ham sazā-vār-e-baḳhshish aap hue

ma.asiyat par davām rakhte haiñ

zinda ab bhī haiñ vasl ho 'nāzir'

intizāroñ se kaam rakhte haiñ

un ke dar par qiyam rakhte hain

ek uncha maqam rakhte hain

anginat aarzuen hain dil mein

shisha rakhte hain jam rakhte hain

hain tajassus talab jo zer-e-nazar

jada-e-na-tamam rakhte hain

madfanon ki pukar sun sun kar

apni hasti ko tham rakhte hain

shoala-samaniyon ki ThanDak hai

hum bhi phulon se kaam rakhte hain

palti hai subh bhi in aankhon mein

raat ka ehtiram rakhte hain

baad-pai pe naz hai hum ko

aur zaban par lagam rakhte hain

sina uryan ram-ashna na sahi

qais apna jo nam rakhte hain

ek tasawwur mein ek nazron mein

subh rakhte hain sham rakhte hain

kuchh to jeb-e-qaba-e-shab mein ho

ek talash-e-mudam rakhte hain

hum saza-war-e-baKHshish aap hue

masiyat par dawam rakhte hain

zinda ab bhi hain wasl ho 'nazir'

intizaron se kaam rakhte hain