waqt ki duri ko aankhon mein simaTte dekha

vaqt kī duurī ko āñkhoñ meñ simaTte dekhā

ġham-zada haal ko maazī se lipaTte dekhā

ḳhān-qāheñ to abhī chup haiñ magar maiñ ne vahāñ

ras bharī baat meñ mīrās ko baTte dekhā

maiñ ne iḳhlās kī tauqīr meñ dekhī jo kamī

dil meñ rishtoñ kī mohabbat ko bhī ghaTte dekhā

kaise maġhlūb ho shamshīr ye sochā maiñ ne

dast-e-qātil se har ik sar ko jo kaTte dekhā

vaz.a-dārī se huī jab bhī ye duniyā ḳhālī

achchhe achchhoñ ko usūloñ se bhī haTte dekhā

us ke va.adoñ pe bharosa nahīñ karnā 'sālim'

maiñ ne aksar use bātoñ se palaTte dekhā

waqt ki duri ko aankhon mein simaTte dekha

gham-zada haal ko mazi se lipaTte dekha

KHan-qahen to abhi chup hain magar main ne wahan

ras bhari baat mein miras ko baTte dekha

main ne iKHlas ki tauqir mein dekhi jo kami

dil mein rishton ki mohabbat ko bhi ghaTte dekha

kaise maghlub ho shamshir ye socha main ne

dast-e-qatil se har ek sar ko jo kaTte dekha

waza-dari se hui jab bhi ye duniya KHali

achchhe achchhon ko usulon se bhi haTte dekha

us ke wadon pe bharosa nahin karna 'salim'

main ne aksar use baaton se palaTte dekha