wo be-hunar hun ki hai zindagi wabaal mujhe

vo be-hunar huuñ ki hai zindagī vabāl mujhe

kamāl gar nahīñ detā to de zavāl mujhe

vo bad-gumān huā huuñ ki e'tibār uThā

sadāqatoñ pe bhī kyā kyā haiñ ehtimāl mujhe

maiñ apne aap ko pahchānñe se Dartā huuñ

tabāh kar ga.ī ye gard-e-māh-o-sāl mujhe

ġhazab huā tirī yādoñ ne saath chhoḌ diyā

hanūz merī mohabbat hai ik savāl mujhe

ye kyā huā ki havas kī giraft tañg huī

maiñ tujh se haath chhuḌāne ko huuñ sambhāl mujhe

vo fāsle haiñ ki āñkhoñ meñ ḳhvāb nāchte haiñ

milī firāq meñ bhī lazzat-e-visāl mujhe

vo bevafā hai to is kā bhī ġham bahut hai magar

maiñ bā-vafā huuñ to is kā bhī hai malāl mujhe

wo be-hunar hun ki hai zindagi wabaal mujhe

kamal gar nahin deta to de zawal mujhe

wo bad-guman hua hun ki e'tibar uTha

sadaqaton pe bhi kya kya hain ehtimal mujhe

main apne aap ko pahchanne se Darta hun

tabah kar gai ye gard-e-mah-o-sal mujhe

ghazab hua teri yaadon ne sath chhoD diya

hanuz meri mohabbat hai ek sawal mujhe

ye kya hua ki hawas ki giraft tang hui

main tujh se hath chhuDane ko hun sambhaal mujhe

wo fasle hain ki aankhon mein KHwab nachte hain

mili firaq mein bhi lazzat-e-visal mujhe

wo bewafa hai to is ka bhi gham bahut hai magar

main ba-wafa hun to is ka bhi hai malal mujhe