wo dil hai hech dard-e-mohabbat agar na ho
wo dil hai hech dard-e-mohabbat agar na ho
Maharaja Sir Kishan Parashad Shad
MORE BYMaharaja Sir Kishan Parashad Shad
vo dil hai hech dard-e-mohabbat agar na ho
kis kaam kā vo dard agar chashm tar na ho
ka.aba ho yā ki dair ho vo yā kunisht ho
vīrāñ vo ghar hai jis meñ ki terā guzar na ho
fariyād hī nahīñ hai ye betābi-e-firāq
mumkin nahīñ ki naale meñ mere asar na ho
aate ho dil meñ tum mirī āñkhoñ kī raah se
tadbīr ḳhuub hai ki kisī ko ḳhabar na ho
mashġhūl-e-zikr chāhiye har dam rahe ye dil
ik lamha us kī yaad se tū be-ḳhabar na ho
chāhe zamāna 'shād' se rūThe nahīñ ḳhatar
saarā jahāñ ho is kā adū tū magar na ho
wo dil hai hech dard-e-mohabbat agar na ho
kis kaam ka wo dard agar chashm tar na ho
kaba ho ya ki dair ho wo ya kunisht ho
viran wo ghar hai jis mein ki tera guzar na ho
fariyaad hi nahin hai ye betabi-e-firaq
mumkin nahin ki nale mein mere asar na ho
aate ho dil mein tum meri aankhon ki rah se
tadbir KHub hai ki kisi ko KHabar na ho
mashghul-e-zikr chahiye har dam rahe ye dil
ek lamha us ki yaad se tu be-KHabar na ho
chahe zamana 'shad' se ruThe nahin KHatar
sara jahan ho is ka adu tu magar na ho
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
