wo rahe duniya mein ek dilkash nagine ki tarah

vo rahe duniyā meñ ik dilkash nagīne kī tarah

ham rahe bāhar makāñ se ek ziine kī tarah

dushmanī hotī hai aksar dostoñ ke darmiyāñ

ye bhī ik rishta hai tūfāñ aur safīne kī tarah

kyoñ kaho us aadmī ko tum za.īf-o-nā-tavāñ

ḳhūn-e-dil jis ne bahāyā ho pasīne kī tarah

kyā kashish paa.ī hai tere husn-e-ālam-soz ne

tū nazar aatā hai zevar meñ nagīne kī tarah

jab kahīñ aaya hai gulshan meñ bahāroñ par nikhār

ḳhuun jab ham ne bahāyā hai pasīne kī tarah

kaifiyat shām-e-judā.ī kī na pūchh ai ham-nashīñ

ek pal birhan ko lagtā hai mahīne kī tarah

qādir-e-mutlaq kī ho 'lāġhar' agar chashm-e-karam

tairte dekhe haiñ patthar bhī safīne kī tarah

wo rahe duniya mein ek dilkash nagine ki tarah

hum rahe bahar makan se ek zine ki tarah

dushmani hoti hai aksar doston ke darmiyan

ye bhi ek rishta hai tufan aur safine ki tarah

kyon kaho us aadmi ko tum zaif-o-na-tawan

KHun-e-dil jis ne bahaya ho pasine ki tarah

kya kashish pai hai tere husn-e-alam-soz ne

tu nazar aata hai zewar mein nagine ki tarah

jab kahin aaya hai gulshan mein bahaaron par nikhaar

KHun jab hum ne bahaya hai pasine ki tarah

kaifiyat sham-e-judai ki na puchh ai ham-nashin

ek pal birhan ko lagta hai mahine ki tarah

qadir-e-mutlaq ki ho 'laghar' agar chashm-e-karam

tairte dekhe hain patthar bhi safine ki tarah