yaad-e-yaran ko kaf-e-dil mein chubhote hue hum

yād-e-yārāñ ko kaf-e-dil meñ chubhote hue ham

ghar ke kone meñ paḌe rahte haiñ rote hue ham

nīm-shab aur ye aañsū haiñ ki rukte hī nahīñ

haa.e pardes meñ takiyoñ ko bhigote hue ham

har na.ī sub.h se ummīd-e-pazīrā.ī liye

chādar-e-ḳhāk ke parde meñ samote hue ham

raat us bazm meñ ik tū hī shanāsā thā magar

kitne tanhā nazar aa.e tire hote hue ham

mar hī jā.eñge tirī yaad meñ yūñhī kisī roz

dukh ke āñchal meñ kahīñ she'r pirote hue ham

sarsarāhaT sī kahīñ zulf-e-girah-gīr meñ thī

Dar ga.e aaj tire saa.e meñ sote hue ham

yaad-e-yaran ko kaf-e-dil mein chubhote hue hum

ghar ke kone mein paDe rahte hain rote hue hum

nim-shab aur ye aansu hain ki rukte hi nahin

hae pardes mein takiyon ko bhigote hue hum

har nai subh se ummid-e-pazirai liye

chadar-e-KHak ke parde mein samote hue hum

raat us bazm mein ek tu hi shanasa tha magar

kitne tanha nazar aae tere hote hue hum

mar hi jaenge teri yaad mein yunhi kisi roz

dukh ke aanchal mein kahin she'r pirote hue hum

sarsarahaT si kahin zulf-e-girah-gir mein thi

Dar gae aaj tere sae mein sote hue hum