yaro nahin mara kisi jallad ne mujhko

yaaro nahīñ maarā kisī jallād ne mujh ko

hai qatl kiyā us sitam-ījād ne mujh ko

āñkhoñ se lahū rone lagā pheñk ke nashtar

dekhā jūhīñ is rang se fassād ne mujh ko

nāseh tū na bak maġhz na khā juz sabaq-e-ishq

kuchh aur paḌhāyā nahīñ ustād ne mujh ko

thak jaa.e tirā halq mirī niiñd ga.ī dil

bechain kiyā kyā tirī fariyād ne mujh ko

hai jaam kahāñ shīsha kidhar kis kī mai-e-nāb

un sab ko bhulāyā hai tirī yaad ne mujh ko

kis chain se kaTtī thī mirī kunj-e-qafas meñ

āzād kiyā kaahe ko sayyād ne mujh ko

afsos mirī jaan bhī kyā khovegā ab ye

rusvā to kiyā is dil-e-nāshād ne mujh ko

yaro nahin mara kisi jallad ne mujh ko

hai qatl kiya us sitam-ijad ne mujh ko

aankhon se lahu rone laga phenk ke nashtar

dekha juhin is rang se fassad ne mujh ko

naseh tu na bak maghz na kha juz sabaq-e-ishq

kuchh aur paDhaya nahin ustad ne mujh ko

thak jae tera halq meri nind gai dil

bechain kiya kya teri fariyaad ne mujh ko

hai jam kahan shisha kidhar kis ki mai-e-nab

un sab ko bhulaya hai teri yaad ne mujh ko

kis chain se kaTti thi meri kunj-e-qafas mein

aazad kiya kahe ko sayyaad ne mujh ko

afsos meri jaan bhi kya khowega ab ye

ruswa to kiya is dil-e-nashad ne mujh ko