yahi kahti laili-e-soKHta-jaan nahin khati adab se KHuda ki qasam

yahī kahtī lailī-e-soḳhta-jāñ nahīñ khātī adab se ḳhudā kī qasam

ġham-e-qais sivā mujhe ġham nahīñ kuchh usī kushta-e-nāz-o-adā kī qasam

kabhī kahtā thā qais ġhazāloñ se jā kaho naaqa yaañ se kidhar ko gayā

kabhī kahtā thā tū hī batā.e sabā tujhe lailā kī zulf-e-dutā kī qasam

tire kushta-e-ġham kā hai haal batar yahī kahiyo jo jaanā ho terā udhar

tujhe qāsid-e-mauj-e-nasīm-e-sahar mirī hijr kī shab kī bukā kī qasam

aa.ī 'havas' mujhe phūloñ kī bū kabhī baiThā na jā ke maiñ bar-lab-e-jū

mirī tañgi-e-dil to ga.ī na kabhū mujhe bāġh-e-jahāñ ke fazā kī qasam

yahi kahti laili-e-soKHta-jaan nahin khati adab se KHuda ki qasam

gham-e-qais siwa mujhe gham nahin kuchh usi kushta-e-naz-o-ada ki qasam

kabhi kahta tha qais ghazalon se ja kaho naqa yan se kidhar ko gaya

kabhi kahta tha tu hi batae saba tujhe laila ki zulf-e-duta ki qasam

tere kushta-e-gham ka hai haal batar yahi kahiyo jo jaana ho tera udhar

tujhe qasid-e-mauj-e-nasim-e-sahar meri hijr ki shab ki buka ki qasam

aai 'hawas' mujhe phulon ki bu kabhi baiTha na ja ke main bar-lab-e-ju

meri tangi-e-dil to gai na kabhu mujhe bagh-e-jahan ke faza ki qasam