ye duniya daimi ghar hai nahin hai
ye duniyā dā.imī ghar hai nahīñ hai
phir is ke ba.ad mahshar hai nahīñ hai
nahīñ saaya sarāpā nuur ya.anī
tazabzub hai vo paikar hai nahīñ hai
basārat se zarūrī hai basīrat
nigāhoñ meñ jo manzar hai nahīñ hai
mirī gardish mire atrāf hī kyuuñ
mirā bhī koī mehvar hai nahīñ hai
har ik saa.e ke pīchhe bhāgte haiñ
kaho apnā bhī rahbar hai nahīñ hai
mirī qismat meñ sāhil hai yā tūfāñ
hathelī par samundar hai nahīñ hai
maiñ kab tak be-sar-o-sāmāñ rahūñgā
mirī taqdīr meñ ghar hai nahīñ hai
ye duniya daimi ghar hai nahin hai
phir is ke baad mahshar hai nahin hai
nahin saya sarapa nur yani
tazabzub hai wo paikar hai nahin hai
basarat se zaruri hai basirat
nigahon mein jo manzar hai nahin hai
meri gardish mere atraf hi kyun
mera bhi koi mehwar hai nahin hai
har ek sae ke pichhe bhagte hain
kaho apna bhi rahbar hai nahin hai
meri qismat mein sahil hai ya tufan
hatheli par samundar hai nahin hai
main kab tak be-sar-o-saman rahunga
meri taqdir mein ghar hai nahin hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
