ye kis ne jalwa dikha ke aankhon mein kar liya hai maqam apna

ye kis ne jalva dikhā ke āñkhoñ meñ kar liyā hai maqām apnā

ye kis ko apnā banā ke barham kiyā hai dil ne nizām apnā

ye kis kī bātoñ meñ aa ke ham ne kiyā hai badnām naam apnā

ki aaj tak āgahī se aajiz hai jazba-e-nā-tamām apnā

agar tamannā-e-be-ḳhudī kī zabāñ se sun leñ payām apnā

to āriz-e-husn se ulaT deñ naqāb vo lā-kalām apnā

nigāh-e-sāqī se kah rahā huuñ sazā tavajjoh kī sah rahā huuñ

sharāb-e-rahmat ke daur meñ bhī karam se ḳhālī hai jaam apnā

jahāñ meñ haiñ ḳhush-nasīb aksar hai jin pe lutf-e-nazar sarāsar

agar muqābil huuñ kyā ajab hai mujhe bhī kar leñ ġhulām apnā

nishāna-e-husn ho rahā hai firāq meñ umr kho rahā hai

nazar se fursat mile to dil bhī kare koī intizām apnā

hai manzar-e-bazm 'shād' o rāhat ba-qalb-e-masrūr ain ne.amat

mazāq-e-sher-o-suḳhan hai ahl-e-adab meñ hai ehtirām apnā

ye kis ne jalwa dikha ke aankhon mein kar liya hai maqam apna

ye kis ko apna bana ke barham kiya hai dil ne nizam apna

ye kis ki baaton mein aa ke hum ne kiya hai badnam nam apna

ki aaj tak aagahi se aajiz hai jazba-e-na-tamam apna

agar tamanna-e-be-KHudi ki zaban se sun len payam apna

to aariz-e-husn se ulaT den naqab wo la-kalam apna

nigah-e-saqi se kah raha hun saza tawajjoh ki sah raha hun

sharab-e-rahmat ke daur mein bhi karam se KHali hai jam apna

jahan mein hain KHush-nasib aksar hai jin pe lutf-e-nazar sarasar

agar muqabil hun kya ajab hai mujhe bhi kar len ghulam apna

nishana-e-husn ho raha hai firaq mein umr kho raha hai

nazar se fursat mile to dil bhi kare koi intizam apna

hai manzar-e-bazm 'shad' o rahat ba-qalb-e-masrur ain neamat

mazaq-e-sher-o-suKHan hai ahl-e-adab mein hai ehtiram apna