main bikhar kar bhi bikharta hi nahin

maiñ bikhar kar bhī bikhartā hī nahīñ

mujh meñ vo kyā hai jo martā hī nahīñ

apnā āshiq huuñ azal se yaaro

maiñ kisī aur pe martā hī nahīñ

maiñ dhuāñ huuñ mirī manzil hai gagan

maiñ zamīñ par to Thahartā hī nahīñ

chuum le arsh ko ik baar koī

farsh par phir vo utartā hī nahīñ

maiñ huuñ jal-path kā musāfir 'alhaḌ'

rāj-path se maiñ guzartā hī nahīñ

main bikhar kar bhi bikharta hi nahin

mujh mein wo kya hai jo marta hi nahin

apna aashiq hun azal se yaro

main kisi aur pe marta hi nahin

main dhuan hun meri manzil hai gagan

main zamin par to Thaharta hi nahin

chum le arsh ko ek bar koi

farsh par phir wo utarta hi nahin

main hun jal-path ka musafir 'alhaD'

raj-path se main guzarta hi nahin