ajnabi des ke raston pe bhaTakte rahi

ajnabī des ke rastoñ pe bhaTakte raahī

maiñ ne sochā hai ki aaj tujhe ḳhat likkhūñ

aaj likkhūñ ki sulagte hue armānoñ meñ

kitne zahrīle subuk tiir chubhā karte haiñ

kaise dhuñdlā.ī huī raat maiñ be-bas aañsū

Dar ke tanhā.ī se tham tham ke bahā karte haiñ

jhuñjhlāhaT meñ tujhe bhūlne kī koshisheñ bhī kiiñ

kaise phir lauT bhī aane kī duā karte haiñ

kaise ma.asūm bilakte hue ehsānoñ se

naam le le ke tirā log hañsā karte haiñ

ta.ane kaste haiñ ka.ī baar terī chāhat par

ruuh ke ehsās ko badnām kiyā karte haiñ

aur ham haiñ ki bas hāthoñ se kaleja thāme

be-rahm vaqt kī har choT sahā karte haiñ

ajnabi des ke raston pe bhaTakte rahi

main ne socha hai ki aaj tujhe KHat likkhun

aaj likkhun ki sulagte hue armanon mein

kitne zahrile subuk tir chubha karte hain

kaise dhundlai hui raat main be-bas aansu

Dar ke tanhai se tham tham ke baha karte hain

jhunjhlahaT mein tujhe bhulne ki koshishen bhi kin

kaise phir lauT bhi aane ki dua karte hain

kaise masum bilakte hue ehsanon se

nam le le ke tera log hansa karte hain

tane kaste hain kai bar teri chahat par

ruh ke ehsas ko badnam kiya karte hain

aur hum hain ki bas hathon se kaleja thame

be-rahm waqt ki har choT saha karte hain