suraj ki tapish pani ki buKhaaraat mein tabdil karke faza mein uDa deti

sūraj kī tapish paanī ko buḳhārāt meñ tabdīl karke fazā meñ uḌā detī

māhaul kī burūdat jab shiddat iḳhtiyār kar letī hai to zamīn barf ke

bojh tale kasmasāne lagtī hai

maiñ tum se ye nahīñ kahūñgā

tum ne aisā kyoñ kiyā

tum aisā kyoñ karte ho

tumheñ aisā nahīñ karnā chāhiye

zindagī ke haqā.eq se farār kabhī sukūn nahīñ de saktā

haqīqī surūr unheñ qubūl kar lene meñ hai

agar tum samajhne vaale ho samajh jāoge

tum

Thahrā huā paanī ho

maiñ tumheñ bahāv meñ dekhnā chāhtā huuñ

tumhārī ravānī baḌī dilkash hogī

agar tum bah sake

zindagī ke masā.il

tumhārī zaat kī sat.h par uge peḌ paude haiñ

peḌ sat.h se qad-āvar nazar aate haiñ

magar

bulandī se chhoTe

aur ḳhūbsūrat bhī

tum apnī zaat meñ buland ho jaao

zindagī ke masā.il chhoTe ho jā.eñge

suraj ki tapish pani ko buKHaraat mein tabdil karke faza mein uDa deti

mahaul ki burudat jab shiddat iKHtiyar kar leti hai to zamin barf ke

bojh tale kasmasane lagti hai

main tum se ye nahin kahunga

tum ne aisa kyon kiya

tum aisa kyon karte ho

tumhein aisa nahin karna chahiye

zindagi ke haqaeq se farar kabhi sukun nahin de sakta

haqiqi surur unhen qubul kar lene mein hai

agar tum samajhne wale ho samajh jaoge

tum

Thahra hua pani ho

main tumhein bahaw mein dekhna chahta hun

tumhaari rawani baDi dilkash hogi

agar tum bah sake

zindagi ke masail

tumhaari zat ki sath par uge peD paude hain

peD sath se qad-awar nazar aate hain

magar

bulandi se chhoTe

aur KHubsurat bhi

tum apni zat mein buland ho jao

zindagi ke masail chhoTe ho jaenge