تشنگی آ تجھے دریا کے حوالے کر دوں

تجھ کو اس حال میں پیاسا نہیں دیکھا جاتا

تمہارے بعد یہ غم بھی اٹھانا پڑتا ہے

خوشی ملے نہ ملے مسکرانا پڑتا ہے

تم مرا نام و نسب پوچھ رہے ہو سب سے

عشق ہو جائے تو شجرہ نہیں دیکھا جاتا

عمر بھر ان سے تعلق نہیں ٹوٹا کرتا

ایسے کچھ لوگ ہیں جو دل میں اتر جاتے ہیں

انہیں یقیں کہ کوئی رنج و غم نہیں مجھ کو

مجھے بھرم کہ مرا مسئلہ سمجھتے ہیں

بس اک یہی تو خرابی ہے اس کی فطرت میں

وہ مجھ کو یاد تو کرتا ہے پر ضرورت میں

سب کو دل کا راز بتانا ٹھیک نہیں

دنیا داری دنیا داری ہوتی ہے

تم اپنی تباہی کا ماتم تو کر لو

مرے حال پر مسکرانے سے پہلے

تمہارے غم کی اداسی قلیل کرتے ہوئے

میں جی رہا ہوں محبت طویل کرتے ہوئے

پتہ کیسے ہوں آخر ہجر کے اسباب دنیا کو

ترے ہونٹوں پہ خاموشی مرے حالات پوشیدہ