ye shabāb-e-husn ye husn-e-shabāb

hashr tak un par yahī aalam rahe

ye shabab-e-husn ye husn-e-shabab

hashr tak un par yahi aalam rahe

sub.h ye fikr ki ho jaa.e shaam

shaam ko ye ki sahar ho jaa.e

subh ye fikr ki ho jae sham

sham ko ye ki sahar ho jae

koī ḳhush ho ki ḳhafā ho 'hairat'

ham to har baat kharī kahte haiñ

koi KHush ho ki KHafa ho 'hairat'

hum to har baat khari kahte hain

sach to ye hai ki nadāmat hī huī

raaz kī baat kisī se kah ke

sach to ye hai ki nadamat hi hui

raaz ki baat kisi se kah ke

bahr-e-bīmār davā hai na duā

kyā ise chāragarī kahte haiñ

bahr-e-bimar dawa hai na dua

kya ise chaaragari kahte hain