دل نے ہر دور میں دنیا سے بغاوت کی ہے

دل سے تم رسم و روایات کی باتیں نہ کرو

الفاظ مدح خواں تھے قلم تھے بکے ہوئے

کیسے تراش لیتے کوئی شاہ کار ہم

لوگوں کو اپنی فکر ہے لیکن مجھے ندیم

بزم حیات و نظم گلستاں کی فکر ہے

وقت مہلت نہ دے گا پھر تم کو

تیر جس دم کمان سے نکلا

ہم نفس خواب جنوں کی کوئی تعبیر نہ دیکھ

رقص کرنا ہے تو پھر پاؤں کی زنجیر نہ دیکھ

کتنے بے نور ہیں یہ ہنگامے

میں بھرے شہر میں بھی ہوں تنہا

انتشار و خوف ہر اک سر میں ہے

عافیت سے کون اپنے گھر میں ہے

بے رخی دیکھ اب زمانے کی

مدعا کیوں زبان سے نکلا

کتنے ہی زخم ہرے ہیں مرے سینے میں نیازؔ

آپ اب مجھ سے عنایات کی باتیں نہ کرو

بسا کے دل میں ترے غم ترے ستم اے دوست

جہاں جہاں سے بھی گزرا میں نغمہ خواں گزرا