وحشیوں کو یہ سبق دیتی ہوئی آئی بہار

تار باقی نہ رہے کوئی گریبانوں میں

عشق میں اور بھی دیوانہ بنا دیتی ہے

میری آواز میں مل کر تری آواز مجھے

تم کیوں اداس ہو گئے میدان حشر میں

کہہ دو تو دل کی دل میں مری داستاں رہے

شاید اس بات پہ لب میرے سیے جاتے ہیں

آہ کے ساتھ نکل جائے نہ ارماں کوئی

پلٹ آتا ہوں میں مایوس ہو کر ان مقاموں سے

جہاں سے سلسلہ نزدیک تر ہوتا ہے منزل کا

آنکھوں میں اشک داغ جگر میں لبوں پہ آہ

سب کچھ ہے پاس بے سر و ساماں نہیں ہیں ہم

کون اب کشمکش زیست سے دے مجھ کو نجات

کر چکا ہے مرا قاتل نظر انداز مجھے