ba-pās-e-ehtirām-e-ishq ham ḳhāmosh haiñ varna

pareshāñ kar bhī sakte haiñ pareshāñ ho bhī sakte haiñ

ba-pas-e-ehtiram-e-ishq hum KHamosh hain warna

pareshan kar bhi sakte hain pareshan ho bhi sakte hain

dil arsh-gāh-e-husn hai dil jalva-gāh-e-nāz

ye aap hī kā ghar hai hamārī guzar kahāñ

dil arsh-gah-e-husn hai dil jalwa-gah-e-naz

ye aap hi ka ghar hai hamari guzar kahan

na pūchho jaan par kyā kuchh guzartī hai ġham-e-dil se

qarār aanā kahāñ kā saañs bhī aatī hai mushkil se

na puchho jaan par kya kuchh guzarti hai gham-e-dil se

qarar aana kahan ka sans bhi aati hai mushkil se