ham kahāñ hoñge na jaane is tamāshā-gāh meñ

kis tamāshā.ī se pahle kis tamāshā.ī ke ba.ad

hum kahan honge na jaane is tamasha-gah mein

kis tamashai se pahle kis tamashai ke baad

na jaane is qadar kyuuñ aap dīvāne se Darte haiñ

charāġh-e-anjuman haiñ aur parvāne se Darte haiñ

na jaane is qadar kyun aap diwane se Darte hain

charagh-e-anjuman hain aur parwane se Darte hain

kahāñ thī manzil-e-maqsūd apnī qismat meñ

kisī kī rāhguzar bhī milī hai mushkil se

kahan thi manzil-e-maqsud apni qismat mein

kisi ki rahguzar bhi mili hai mushkil se

ye irtiqā-e-bashar kī hai kaun sī manzil

ki is kī zad meñ ḳhudā bhī hai kā.enāt bhī hai

ye irtiqa-e-bashar ki hai kaun si manzil

ki is ki zad mein KHuda bhi hai kaenat bhi hai

bahār aa.egī gulshan meñ to dār-o-gīr bhī hogī

jahāñ ahl-e-junūñ hoñge vahāñ zanjīr bhī hogī

bahaar aaegi gulshan mein to dar-o-gir bhi hogi

jahan ahl-e-junun honge wahan zanjir bhi hogi