jin pattharoñ ko ham ne atā kī thiiñ dhaḌkaneñ

un ko zabāñ milī to hamīñ par baras paḌe

jin pattharon ko hum ne ata ki thin dhaDkanen

un ko zaban mili to hamin par baras paDe

dil kī masjid meñ kabhī paḌh le tahajjud kī namāz

phir sahar ke vaqt hoñToñ par duā bhī aa.egī

dil ki masjid mein kabhi paDh le tahajjud ki namaz

phir sahar ke waqt honTon par dua bhi aaegi

apnī bulandiyoñ se girūñ bhī to kis tarah

phailī huī fazāoñ meñ bikhrā huā huuñ maiñ

apni bulandiyon se girun bhi to kis tarah

phaili hui fazaon mein bikhra hua hun main

dard zanjīr kī sūrat hai diloñ meñ maujūd

is se pahle to kabhī is ke ye pairā.e na the

dard zanjir ki surat hai dilon mein maujud

is se pahle to kabhi is ke ye pairae na the

chāñd meñ kaise nazar aa.e tirī sūrat mujhe

āñdhiyoñ se āsmāñ kā rañg mailā ho gayā

chand mein kaise nazar aae teri surat mujhe

aandhiyon se aasman ka rang maila ho gaya